تعالوا مع بعض نحضر اكله سهله وبسيطه وسريعه جدا جدا هي الكانيلوني
اول حاجه نعملها عشان نحضر عجينه الكانيلوني هنجيب اثنين كوب من اللبن و كوب ونصف
من الدقيق زائد اربع بيضات وملح وفلفل ونضربهم بالمضرب الكهربائي
ونحطهم على جنب لمده ربع ساعه ل يرتاحوا
وبعدين هنجيب طاسه تيفال او سيراميك غير قابله للصق وندهنها بقطنه فيها زيت
وهنجيب فنجان بتاع القهوه وناخذ من خليط العجين ونصب في طاسه على النار لحد ما
تعمل فطاير متوسطه الحجم
وبعدين نركنهم على جنب يبرد وبعدين هنيجي نحضر الحشو
هنجيب صدور فراخ مقطعه مكعبات و نتبلها بملح و فلفل و ثوم مهروس
وبعدين هنيجي في طاسه فيها معلقتين من الزبده ونشوح الفراخ
ونحطها في طبق على جنب وبعدين هنجيب جبنه موتزاريلا و ميكس شيدر وفلفل الوان متقطع
مكعبات
و هنيجي مع الكانيلوني نفردها و نحط فيها معلقه من الخليط ده كبيره ونلفها الجناب
على بعض
ونلفها للاخر رول ونرصها في صينيه بايركس وبعد ما نخلص لف الكانيلوني
هنجيب طبق فى معلقتين من الزيت وملح وفلفل اسود و معلقه عسل ابيض صغيره ومعلقه
صلصه ونقلبهم
نجيب فرشه سيليكون وندهن الكانيلوني ونحطها فى الفرن لمده نصف ساعه ليحمر الوجه وتبقى جاهزه
للتقديم
اكلات سريعة التحضير
اكله سريعة التحضير
