تعالوا مع بعض نحضر اكلة سهلة و بسيطة و سريعة جدا جدا جدا هى الكانيلوني
اول حاجة نعملها عشان نحضر عجينة الكانيلونى هنجيب اثنين كاس من اللبن و كاس و نص من الدقيق زائد اربع بيضات و ملح و فلفل و نضربهم بالمضرب الكهربائي
ونحطهم علي جنب مدة ربع ساعة ل يرتاحوا
و ثم هنجيب طاسة تيفال او سيراميك غير قابلة للصق و ندهنها بقطنة بها زيت
وهنجيب فنجان بتاع القهوة و ناخذ من خليط العجين و نصب فطاسة علي النار لحد ما تعمل فطاير متوسطة الحجم
و ثم نركنهم علي جنب يبرد و ثم هنيجى نحضر الحشو
هنجيب صدور فراخ مقطعة مكعبات و نتبلها بملح و فلفل و ثوم مهروس
و ثم هنيجى فطاسة بها ملعقتين من الزبدة و نشوح الفراخ
ونحطها فطبق علي جنب و ثم هنجيب جبنة موتزاريلا و ميكس شيدر و فلفل الوان متقطع مكعبات
و هنيجى مع الكانيلونى نفردها و نحط بها ملعقة من الخليط دة كبار و نلفها الجناب علي بعض
ونلفها للاخر رول و نرصها فصينية بايركس و بعد ما نخلص لف الكانيلوني
هنجيب طبق فمعلقتين من الزيت و ملح و فلفل اسود و ملعقة عسل ابيض صغار و ملعقة صلصة و نقلبهم
نجيب فرشة سيليصبح و ندهن الكانيلونى و نحطها فالفرن مدة نص ساعة ليحمر الوجة و تبقي جاهزة للتقديم
طبخات سريعه التحضير
اكلة سريعه التحضير
